Ser det historiske hotellet som ei unik moglegheit

I fjor sommar flytta Lars Arne Straand og kona Katrine Samdal Straand heim til Vrådal, med døtrene Thea (10) og Sara (14), for å overta drifta av Straand Hotel. Lars Arne hadde fram til dette jobba med teknologi, strategi, systemutvikling og prosjektleiing i konsulentselskapet Accenture. Katrine kjem frå leiarstilling i Multiconsult Norge. Begge gler seg til å ta tak i moglegheita det er å forvalte og vidareutvikle det historiske familiekonsernet slik at Straand og Telemarks kulturarv blir godt tatt vare på framover.

– Me gjorde det Vest-Telemark oppfordrar til. Me flytta heim. Me er eit godt døme på at det funkar. Å overta drifta av Straand Hotel handlar om moglegheita til å forvalte og vidareutvikle det dei tidlegare generasjonane har bygd opp. Straand Hotel er ein kulturarv me ønsker å ta vidare, seier Lars Arne.

Gjennom fleire generasjonar Straand