Alvorleg trafikkulykke: To personar henta med luftambulanse
Naudetatane har rykt ut etter melding om trafikkulykke mellom Rauland og Rjukan. Statens vegvesen melder at vegen er stengt.
Publisert
Sist oppdatert
Ein bil og totalt to personar er involverte i ulykka som skal ha skjedd rundt klokka 12 fredag.
– Det framstår som ei alvorleg ulykke, opplyser politiet.
Ulykka har skjedd på Rjukanvegen (fv37) ved Sveivetjønnbekken mellom Rauland og Rjukan.
Klokka 12.30 melder politiet at fyrste eining er framme på staden og ulykka framstår som alvorleg. Det er sendt to luftambulansar mot staden. Vegen vil bli stengt forbi ulykkesstaden.
Klokka 12.40: Melder politiet at leiar for ambulanse på staden melder om to pasientar som begge er skadd. Det blir starta behandling på staden. Luftambulansen har ikkje kome fram enno.
Klokka 13.00: Ein pasient blir flogen retning sjukehus med fyrste luftambulanse. Ein pasient får framleis behandling på staden i påvente av luftambulanse nr 2. Naudetatane jobbar på staden, melder operasjonsleiar Ståle Olstad Fuglaas.
Annonse
Klokka 13.25: Luftambulanse nummer 2 er på staden og vil ta med pasient nummer 2 til sjukehus. Politiet jobbar med vidare undersøkingar på staden.
Klokka 13.50: Eitt køyrefelt forbi ulykkesstaden er opent.
Klokka 14.30: Vegen blir heilt sperra igjen ein periode i samband med at bilen skal bli berga.
