For ti år sidan måtte bladfykane ta båt til kontoret

Dyrsku’n 2015 var over. Lokalvalet var historie. Så kom regnet. Flatin i Kviteseid var blant stadane som blei hardast råka. I morgontimane denne tysdagen var det vatn på alle kantar rundt bladstoga i Prestegardshamni i Kviteseid. Snart rann det over – og inn i VTB-bygget. I løpet av få timar fekk dei tilsette i lokalavisa god hjelp. Viktig utstyr blei frakta bort med traktor, og ein måtte etter kvart nytte båt for å kome seg til kontoret. 

Onsdag var produksjonen i gang att – i kjellaren i Telemark næringshage og papiravisa kom ut som planlagt torsdagen. Vel eitt år seinare flytta Vest-Telemark blad inn i det gamle Handelslaget-lokala i sentrum. Kviteseid bilteknikk overtok dei gamle avislokala, medan Kviteseid motorservice, som hadde dela bygg med bilverkstanden, også fekk større plass.

Her kan du lese NRK si sak om VTB og evakueringa av bladstoga.