Foto: Jorun Sætre, Statens vegvesen

Sjøormen har fått plass på rasteplassen

Ein sjøormskulptur blir ein attraksjon på den nye rasteplassen på Rv36 mellom Seljord og Bø.

– Dette er ingen heilt vanleg rasteplass. Her finnast ein heilt ny attraksjon i Seljord kommune, ein sjøormskulptur. Sjøormen er bygd i betong og er ein del av rasteplassen der born kan boltra seg. Det er sett opp bord og stolar i stein mellom dei ulike kroppsdelane til sjøormen. På området er det òg toalettanlegg og parkeringsplassar, melder Statens vegvesen i ei pressemelding.

Det er kunstnar John Poulsen som har utforma sjøormen, i samarbeid med Hovden Hytteservice AS og rådgjevarselskapet Cowi.

Rasteplassen opnar torsdag. Her vil det bli forteljingar om sjøormen i Seljordsvatnet og underhaldning. Representantar frå Statens vegvesen, Seljord kommune, entreprenør Hovden Hytteservice AS og fylkeskommunen vil vera til stades.