Leitar etter ei løysing for ridesenteret

I oktober i fjor fekk administrasjonen i oppdrag å greie ut ridesenteret si rolle i høve til rekreasjon, rehabilietering, reiseliv, kultur og aktivitet for born og unge. Det har dei nå gjort. 

Konklusjonen er at det skal mykje til for at eit ridesenter ute på bygda løner seg økonomisk, og at kommunen truleg må dra lasset om Rauland ridesenter skal halde fram å eksistere. Dei som har størst behov for ridesenteret er barn og unge i kommunen, og det kan hende at ei investering i vidare drift sparar pengar andre stadar, til dømes ved at barn og unge ikkje hamnar i utanforskap.

Framlegget til kommunedirektøren var derfor at formannskapet gjev han  i oppdrag å forhandle fram ei avtale med eigar om overtaking av Ridesenteret i Rauland AS. Konkrete summar føreslår han å koma attende med når det ligg føre ei avtale, og at han i løpet av mai legg fram planar og budsjett for den vidare drifta.