Ver som Marthe. Me har alle eit ansvar. Ver med og redd liv

Laurdag opplevde endå ein familie, mange vener og eit lokalsamfunn det tragiske. Dei mista det umistelege. Ein ung mann omkom då bilen han sat i køyrde av vegen. To kameratar er sikta for aktlaust drap. Politiet mistenker køyring i ruspåverka tilstand.

No tek lensmann Sigrid Dahl i Midt- og Vest-Telemark på ny eit oppgjer med ukulturen i regionen. Ho fortel om ein for høg aksept for risikoåtferd og at dei som vil seie frå ikkje tør det i frykt for represalier og utfrysing.

– Kvifor er det å «sladre» på naboen så ille at ein let vera å hindre dødsulykker? er det brutale spørsmålet lensmannen stiller i eit lesarinnlegg.