Openheit skaper tillit og styrkar lokaldemokratiet

Eit legesamarbeid med naboen i Seljord har vore av og på, og av og på, i dei siste politiske periodane i Kviteseid kommune. Det har blitt gjeve gass, før det blei bråstopp etter eit grasrotopprør i det lokale Senterpartiet-laget i Kviteseid i 2021.

Før jol sa kommunestyret i Kviteseid igjen at dei vil sjå på eit samarbeid med Seljord. Kommunedirektøren fekk dei nødvendige fullmaktene til å starte dialogen. Dette arbeidet er nå i gang. Og det er mange som er med – fyrst og fremst dei to formannskapa, i tillegg til kommunedirektørane, kommunalsjefar, kommunelege og tillitsvalde.

Men ikkje innbyggjarane – veljarane.