Me ynskjer alle eit godt nytt år

2020 kan ikkje bli historie raskt nok, meiner mange. Det blei ikkje som me såg for oss då me for eitt år sidan såg fyrverkeriet på stjernehimmelen og gav kvarandre ein varm klem med gode ynske for året som stod for døra.

Noreg blei endra i mars. Korona-året har sett spor. Nokon har mista nokon dei var glade i. Andre har mista jobben sin eller livsverket dei har bygd opp, og mange har vore, eller er framleis, permitterte.

Mange er råka. Og mange vil bli råka også i 2021. Verda blir ikkje nullstilt når klokka slår tolv nyttårseftan.