Den store folkevandringa

Vest-Telemark blad er ei av nesten 100 lokalaviser som er med i prosjektet «Den store folkevandringa». I samarbeid med Senter for undersøkande journalistikk og NRK ser lokalavisene på busettingsmønstra i landet.

Felles for alle dei seks kommunane i Vest-Telemark, og alle andre kommunar, er eit mål om å bli fleire innbyggjarar, som igjen vil kunne gje auka skatteinntekter. I Vinje har ordførar Jon Rikard Kleven uttrykt eit mål om at det skal vera 200 fleire vinbyggjar om seks år.

– Forskinga viser at det truleg ikkje vil vera stor grad av fråflytting i åra som kjem. Det ser ved fyrste augekast positivt ut, men problemet er at det er dei i aldersgruppa 20 til 40 år som flyttar oftast. Når det i tillegg er rekna at det vil vera dobbelt så mange 80-åringar i landet i 2040 i forhold til dagens tal, risikerer Vinje kommune å bli ein stor aldersheim, uttala ordføraren til kommunestyret tidlegare i år.