Utvidar drosjetilbodet med storbil med plass til rullestol

Det er Kristian Hygen som har hovudansvaret med å køyre minibussen for Borgar Strand. Strand sit nå på alle dei fire løyva i Seljord. Storbilen er éin av fire bilar tilgjengeleg for dei fire sjåførane tilknytt taxiavdelinga som blir administrert av Telemark Taxi i Skien. 

– Det var behov for ein bil til. Denne er det plass til åtte personar i – litt færre om me også skal ha plass til rullestol, seier Hygen.

Han legg til at det i praksis er plass til to rullestolar, men då berre tre personar. Hygen reklamerer med at bilen skal vera tilgjengeleg heile døgnet og i heile regionen.