Tankbil i grøfta. Har beslagelagt førarkortet til sjåføren

Oppdatert 15:57: Det er lysregulering på staden og trafikken går fint forbi, melder politiet. Hengar/tank blir liggande ei stund, men det skal ikkje vere fare for lekkasje.

Oppdatert 15.09: Politiet er ferdig på staden. Det er ikkje mistanke om ruskøyring og førar er ferdig avhøyrd. Førarkortet til føraren er beslagelagt. Trekkvogn blir skilt frå hengar og berga frå staden. Hengaren/tanken blir verande på staden i lang tid før denne kan bli berga, opplyser politiet. 

Ein tankbil lasta med ammoniumnitrat skal ha køyrd av vegen, melde politiet kl. 11.03. Vogntoget stod delvis i grøfta, men det var ikkje meldt om brann eller lekkasje frå tankbilen. Føraren skal ha vore aleine i bilen då ulykka skjedde.