Stilte med ni utøvarar på friidrettsstemne
IL Tokke har fått fire nye klubbmeistrar i friidrett.
Publisert
I helga har IL Tokke deltatt i fylkesmeisterskapet i friidrett for Vestfold og Telemark på Kjølnes stadion i Porsgrunn. Klubben stilte med ni utøvarar, og var representert på 60 m hekk, 60 m, 200 m, 600 m, lengde, kule, spyd, slegge, høgde, 4x60 m stafett og 1000 m stafett.
IL Tokke har fått 4 nye klubbmeistrar i J-12; Elly Utistog på 60 m hekk, Malin H. Gjerlid i spyd, Maren B. Høgset i slegge. I tillegg fekk Maren B. Høgset, Ingrid Rabbe, Elly Utistog og Emilia L. Utistog gull på 1000 m stafett, opplyser Camilla Lagergren Knudsen, trenar i friidrettsgruppa i IL Tokke.
Elles hadde klubben sterke resultater for G-12 med Erling K. Felland som fekk 2. plass på 60 m hekk og Emil Fles fekk 3. plass i spyd. Yehor Semenov fekk 3. plass i spyd og lengde i G-13. Mixlaget med Fles, Felland, Malin H. Gjerlid og Semenov fekk bronse på 1000 m stafett.
Rekrutt Olav L. Utistog G-8 deltok på lengde, kule, 60m og 600m.
– IL Tokke friidrett hadde to flotte dagar i Porsgrunn med god innsats, godt humør og mykje heiing på kvarandre, oppsummerer trenaren.
