Statnett beklagar feil årstal: Straumsvar kjem i løpet av året

... Og det var feil svar. 

Tysdag skriv Statnett i ein epost til VTB at ei avklaring vil skje «så snart som mulig og i løpet av 2025 – ikke 2026». 

« Jeg beklager at vi svarte med feil årstall i forrige e-post», skriv seniorrådgjevar Anbjørg Bakken i Statnett, og viser til Lede for fleire detaljar. 

Les også: 

Statnett har ingen dato for når straumen til datasenteret er tilgjengeleg. – Eg håper du har fått feil svar

Skjervagen sa at ei avgjerd i løpet av 2026 ville kunne føre til «ei gedigen utsetting av datasenterprosjektet» og at han frykta heile prosjektet kunne gå i vasken. 

EdgeConneX er ein av verdas største datasenteraktørar og har planar om å etablere seg i Fyresdal. Datasenteret har behov for enorm straummengde, og sist november blei det klart at Statnett godkjenner at EdgeConneX kan få nødvendig straum frå Brokke i Setesdal, 140 MW.

Nødvendig straum i dette tilfellet er etter det VTB får opplyst meir enn 1 terawatt time (TWh), eller meir ein milliard kilowattimar. Det utgjer om lag 0,7 prosent av Noregs årlege energiforbruk. Google i Skien har, ifylgje Europower, til samanlikning reservert 2 TWh.

Men før straumlevering til EdgeConneX må dette vere ferdig: Statnetts prosjekt Ny Stemmen stasjon (i Kristiansand) og utviding av dagens anlegg i Kristiansand stasjon. Prosjektet er planlagt sett i drift i løpet av 2028. Statnett opplyser elles at ny Stemmen stasjon utløyser eit anleggsbidrag på rundt 70 millionar kroner frå EdgeConneX.