Samferdselsministeren på E134: – Har opna ei lita bru som skal bere store lass
Samferdselsminister Jon-Ivar Nygård opna bru på E134 Røldal-Seljestad og stod bak ei kontrollert skredutløysing på Haukelifjell.
Publisert
Sist oppdatert
Det melder Statens vegvesen i ei pressemelding.
Samferdsminister Nygård opna tysdagen med å setje spaden i jorda for byggestart på Nye Veier-prosjektet Rv. 13 Djupvik-Kviturtunnelen. Deretter gjekk turen til E134. I Seljestad har Statens vegvesen oppført ei 16 meter lang bru som del av førebuande prosjekter på E134 Røldal-Seljestad.
Annonse
- E134 Røldal-Seljestad har forventa anleggsstart mot sommaren og er ein del av den viktige aust/vest-sambandet i Noreg. I dag opna me ei lita bru som skal bere store lass gjennom bygginga av prosjektet, seier Nygård i pressemeldinga.
Kontrollert skredutløysing
Regjeringa vil at folk skal kome seg trygt fram på norske vegar, og arbeider derfor kontinuerleg med utbetring og sikring av dei mest utsette strekningane. I ny Nasjonal transportplan viser regjeringa ein ansvarleg transportpolitikk, der vedlikehald og utbetringar er prioritert. Planen held fast på at transportsystemet i heile landet skal verte sikrare og meir motstandsdyktig mot til dømes ekstremvær, ras, skred og flaum.
Derfor runda Nygård av reisa med å teste kontrollert snøskredutløysing langs E134 Haukelifjell. Med bruk av skredtårn nyttast enten gass og trykk eller sprengstoff for å løyse ut eit kontrollert snøskred i fjellsida. På denne måten kan Statens vegvesen hjelpe naturen i gong med å utløyse skred i kontrollerte former, utan fare for reisande på vegen.
Annonse
– E134 er ein av livsnervane mellom aust og vest i landet. Det arbeidet Statens vegvesen no gjer for aktiv skredkontroll spelar godt saman med dei infrastrukturtiltaka vi gjer for å kunne halde fjellovergangane våre opne gjennom vintersesongen. Vinteropne vegar er viktig for lokalbefolkninga, viktig for aust/vest-forbindinga, og viktig for næringslivet, seier samferdselsminister Nygård.
