Riskrem tronar som nordmenns juledessertfavoritt
Over halvparten av oss vel riskrem på julaftan. Heile 55 % av dei som har ein tradisjon har denne klassikaren på dessertbordet, viser ei fersk undersøking frå Norstat for Opplysningskontoret for mjølk og meieriprodukt (MJØLK).
– Dessertvalet på julaftan er prega av lange tradisjonar, og riskrem står framleis svært sterkt, seier Terese Glemminge Arnesen, ernæringsrådgivar i MJØLK.
Sjølv om riskrem er den store favoritten, finst det tydelege regionale forskjellar. I Nord-Noreg og Trøndelag held mange på tradisjonen med moltekrem – heile 33 % vel denne desserten med moltebær, ein ekte smak av Noreg.
Etter riskrem og moltekrem følgjer karamellpudding og iskrem som populære val.
– Norske meieriprodukt er i verdsklasse, og i jula unner me oss det aller beste. Riskrem og moltekrem er klassikarar som er her for å bli, seier Glemminge Arnesen.
Annonse
(©NPK)
