Klare mål: Toppkandidatane til Nissedal Sp, Ian Parry-Jones og Tjodvor Margrete Haugen, håper partiet gjer eit godt val. Ordførarkandidaten Parry-Jones frontar satsingane til partiet dei neste åra, mellom anna å prioritere barn og unge.
Geir Ufs
– Me vil prioritere barn og unge, og kultur spesielt
Nissedal Sp set satsing på barn og unge høgt i komande fireårsperiode. Partiet lovar mellom anna minst dobling av potten til kulturmidlar, vil prioritere kulturskulen og garanterer at frivilligsentralen i kommunen skal halde fram.
Ian Parry-Jones, ordførarkandidat til Nissedal Sp ved haustens kommunestyreval, meiner tida er inne til ein stor auke i kultur- og prosjektmidlar. Årets sum som formannskapet delte ut var på 125 000 kroner.
– Eg vil auke summen frå 90 til 200 kroner per innbyggar i kommunen, det vil seie nesten 300 000 kroner i kultur- og prosjektmidlar totalt. Sp vil prioritere barn og unge, og kultur spesielt for det er viktig for å bidra til samhald og felles identitet. Me veit mellom anna at etterspørselen er større enn tilbodet i kulturskulen per i dag. Kultur er også viktig for å integrere nye innbyggarar, til dømes flyktningar, seier Parry-Jones.
Få bu sentrumsnært
5 veker - 5 kr
Deretter 189 per månad
Inga binding
KJØP
