Raulandshuset opnar torsdag
Kameraovervaking er på plass.
Publisert
Sist oppdatert
Måndag førre veke la Vinje kommune ut følgjande melding på si heimeside:
«På grunn av omfattande og gjentakande hærverk må Vinje kommune dessverre stengje Raulandshuset og Vinjehuset på kveldstid for ein periode. Det vil og vere stengt laurdag og sundag.»
Etter snart halvanna veke utan vanlege aktivitetstilbod på Vinjehuset og Raulandshuset, har innbyggjarar etterlyst informasjon om når bygga opnar att.
Tysdag skreiv VTB at kommunen opnar Vinjehuset att, og at det er sett opp kameraovervaking.
Torsdag opnar også Raulandshuset med vanlege opningstider. Opninga omfattar basseng, idrettshall, trimrom og styrkerom.
Vinje kommune melder at det er sett opp kameraovervaking i delar av bygget, og minner om at nøkkelkort til bygget er personleg og ikkje skal lånast bort.
