Fleirtal for å støtte vgs-temaveka, som har Fenriken på programmet

– Statistikk frå Ungdata viser at ungdom i dag slit meir enn tidlegare med å meistre livets utfordringar. I tillegg er det bekymringsfullt at mange elevar på vår skule framleis deltek i risikofylt åtferd, som å sitte på med ruspåverka sjåførar, skriv lektor Knut Magne Momrak Husstøyl til Vinje kommune. 

Han jobbar som lektor og karriererettleiar ved Vest-Telemark vidaregåande skule, og har skrive ein søknad til Vinje kommune om støtte til temaveka deira.

Husstøyl peikar på at ein etter førre temaveke såg ein positiv nedgang i slike hendingar, og at det viser kor viktig det er å jobbe kontinuerleg med slike tema.