Sjå bilda frå yrkesmessa
Dei bunadskledde jentene var vertskap og ynskte velkomen
Ungdomsskuleelevar frå heile Vest-Telemark fekk møte ulike skuletilbod, yrkesretningar og verksemder då dei besøkte den årvisse yrkesmessa på Dalen torsdag.
Publisert
Sist oppdatert
Nok ein gong hadde meir enn 70 utstillarar frå ulikt næringsliv, yrkesretningar, vidaregåande skular, universitet, kommunar eller offentlege etatar funne vegen til Vest-Telemark vidaregåande skule på Dalen for å vise seg fram og svare på spørsmål frå ungdomsskuleelevar eller vaksne på yrkesjakt frå alle delar av regionen torsdag.
– Og aldri før har det vore fleire elevar ved skulen vår, kunne yrkesmessegeneral Knut Magne Momrak stolt fortelje og oppmoda alle dei frammøtte til å stille spørsmål til utstillarane og bruke dagen godt.
Kanskje det torsdag blei opna dører til framtidige yrkesval eller potensielle lærlingbedrifter. Eller kanskje det aller beste med dagen var at ungdommane frå dei ulike kommunane kunne møtest på tvers av kommunegrenser og vere saman.
Jone Blikra (Ap), som sit i transport- og kommunikasjonskomiteen på Stortinget, besøkte den vidaregåande skulen på Dalen for alle fyrste gong. Kragerø-politikaren var glad for å kunne vere den utvalde til å klippe snora og opne årets yrkesmesse med ein tydeleg beskjed til ungdommane.
Annonse
– De ungdommar er framtida vår, me er stolte av dykk og yrkesfag er framtida. Me er heilt avhengige av dykk for at Noreg skal gå rundt, og at det skal vere godt å bu her, uttala Blikra.
