Alma Bringsvær Libjå (t.v.) og Ella Timland Wigdahl (begge 3 år) kosar seg på tur med barnehagen.

Dei 68 ungane i barnehagen feira den nye gapahuken. Alma og Ella kosa seg med snorklipp, bollar og leik 

Barnehagen mista gapahuken sin då Dalen mekaniske utvida. Nå har dei fått flunkande ny gapahuk. 

Kari Smeland
Publisert

Dei tre ulvungane Håkon Hommo Bråstøyl (5), Thea Kyrkjebø Moen (6) og Vilje Bekk Vinjerui (6) frå Dalen barnehage har fått på seg støvlar og regntøy, og reist på tur med heile barnehagen. 

Ungane fiksa snorklipp sjølve, og har ordna både ordførarkjede og flagg for dagen. Fillip Småbrekke Nordbø og Mikkel Fles Brubrakk held snora, medan Sandra Austjore er snorklippar.

Til saman er dei 68 ungar som held til på forskjellige avdelingar i Dalen barnehage. Alle avdelingane har dyrenamn som er henta frå den norske skogen, så nå er det både revar, ulvar og bjønnar som leikar i skogen på Tangane. 

Håkon, Thea og Vilje har sine siste månadar i barnehagen, for i august blir dei skuleungar. Dei tre synest det er moro å vere ute. 

- Det er moro å finne insekt, seier Vilje. 

- Det er litt kaldt, meiner Håkon. 

Bente Lund Frantzen (f.v.), saman med ulvane Thea Kyrkjebø Moen (6), Håkon Hommo Bråstøyl (5) og Vilje Bekk Vinjerui (6).

- Og om fire dagar skal me overnatte i barnehagen, fortel Vilje. 

For det skal ulvane gjere før dei sluttar i barnehagen og blir skuleungar i august.

- Fantastisk!

Då Dalen mekaniske bygde ut mista barnehagen sitt faste turområde, men både store og små i barnehagen er fornøgde med erstatninga. Tokke kommune har sett av 400 000 kroner til å kjøpe inn ny gapahuk, som har benkar langs veggane, store glas og omn til kalde dagar. 

Amalie Ørbak (f.v.), Hilde Kabbe Berdalen, Aasa Midtgarden Hagen og Lise Fles jobbar saman i Dalen barnehage. Dei er veldig glade for det nye uteområdet barnehagen har fått.

- Me er kjempefornøgde! Dette er heilt fantastisk, og det var akkurat her me ville ha det, fortel Hilde Kabbe Berdalen. 
Ho er assisterande styrar i Dalen barnehage og har jobba i barnehagen sidan 2000, med unntak av ein liten pause på nokre år.

Dei har eit stort uteområde i barnehagen, men er likevel mykje på tur. Gapahuken på Tangane er populær. Den er i gåavstand frå barnehagen, dei har tilgang på toalett og området er både ulendt og oversiktleg. 

- Me er veldig glade for at kommunen valde dette området. Her er det kjempefint for ungane, seier Kabbe Berdalen. 

Denne veka har dei markert friluftsveka i barnehagen, og har då vore på tur til Rui, Tangane, på fisketur på Tippen og dei minste har hatt bilderebus ute. 

- Me er også mykje ute elles, i all slags vêr, fortel Kabbe Berdalen. 

Den siste dagen i friluftsveka vart avslutta med offisiell opning av ny gapahuk, med snorklipp og bollar, og sjølvsagt leik i det fri. 

Erik Tarjei Hagajore (f.v.), Bjørn Olav Hovden Aas, Sindre Edel, Thea Kyrkjebø Moen, Sandra Austjore og Vilje Bekk Vinjerui leika fint i det høge graset.
Mikkel Fles Brubakk (f.v.), Freja Jernberg Midjås, Elise Bjåen Lofthus.
Full fart for Mikkel Fles Brubakk (f.v.), Freja Jernberg Midjås og Elise Bjåen Lofthus.
Oskar Ambros Grøstad Johnson (f.v.) og Tarjei Johre- Midtbø.
Oskar Ambros Grøstad Johnson (f.v.) og Tarjei Johre-Midtbø utforskar området.
Både store og små er veldig fornøgde med nytt turområde og ny gapahuk på Tangane.
Sindre Gjerlid
Sindre Gjerlid kosar seg med nista ute.
Aren Ekrem Say
Aren Ekrem Say har funne ein pinne å leike med.
Mikkel Fles Brubakk (f.v.), Freja Jernberg Midjås og Sindre Edel likar seg godt på tur med barnehagen.
tokke kommune friluftsveka dalen barnehage nyhende
Powered by Labrador CMS