Privatisering av vegar: Kviteseid kommune kan vel ikkje spare pengar dei ikkje brukar?

Eg ser at Kviteseid kommune skal spare ca 1 150 000 kroner ved å privatisere 11 196 meter veg. Eg skjønnar ikkje korleis kommunen klarer det. Eg var på kommunehuset fleire gonger i 2024 for å få vegbudsjettet, og fekk telefon nærare hausten at nå kunne me få sjå rekneskapen. Det me fekk var ein liten gul lapp med 5 millionar.

Eg bur i Hommanvegen, det er den lengste av vegane på 2 760 meter. Kommunen hadde ikkje kostnadene på vegen, berre samla beløp for alle vegane. Me fekk då beskjed om om at me måtte kontakte entreprenøren for å finne ut kva han fakturerte for jobben med vintervedlikehald som strøying og brøyting. Sommarvedlikehald blei gjort av kommunens eigen traktor og mann til ein sum på 600 kroner timen. Resultatet på Hommanvegen var då 69 000 kroner, det vil seie ein meterpris på 25 kroner. Kviteseid kommune skriv at dei skal spare 115 kroner meteren med å privatisere vegen. Det er eit avvik på 90 kroner meteren.

Eg trur ikkje Kviteseid kommune har meir på dei andre vegane dei vil privatisere. Innsparinga blir då ca 280 000 kroner, og ikkje 1 150 000. Kviteseid kommune kan vel ikkje spare pengar dei ikkje brukar?