Knut Olav fekk endeleg oppfylt draumen om New York Maraton

– Eg lytta til ein dansk kamerat som var svært begeistra for New York Maraton. Han meinte at dersom eg nokon gong skulle springe eit maraton, så måtte det bli i New York. Sjølv om dollaren er dyr og det kostar ein del å delta i verdas største maratonløp, meiner eg det var verdt det. Opplevinga av å springe i den amerikanske storbyen vart eit minne for livet. Sjølv om den siste mila var tung, seier Knut Olav til VTB.

Debutanten fekk erfare det mange har sagt før; eit maratonløp byrjar for alvor etter 30 kilometer. For han gjekk det greitt fram til den grensa, men dei siste 12 kilometrane vart svært tunge. Dette skuldast først og fremst utfordringa med å halde det gåande i over fire mil.

Knut Olav innrømmer også at han opna løpet litt for raskt. I ettertid konkluderer han med at han burde ha halde igjen dei første to mila. Han vurderer at han sprang om lag 30 sekund for raskt per kilometer i starten, noko som kan ha bidratt til den tøffe avslutninga.