Vil undersøke moglegheitene for å lage ein bubilparkering i Høydalsmo

Tomta det er snakk om, er den såkalla tomt 1, og er næringstomta som ligg til venstre for E134 når ein kjem frå Morgedal. Tomta ligg rett ved Europavegen og Oftevatn, rett før Cirkle K og Storstøga. Tomta er regulert til eit kombinert føremål forretning og bustad. Ifølge sakshandsamar og kommunalsjef for plan og næring Knut Erik Paulsen, er tomta i dag ikkje tilrettelagt for parkering og i grunnen berre ei grovplanert industritomt. Han skriv også at det «visstnok er ein del bubilar som parkerer på denne tomta i dag.»  

Om det skal bli bubilparkering på tomta, må det gjerast ein del. Paulsen påpeikar at det då bør vere både straum, vatn og toalett på området. Han påpeikar også at det alt finst ein bubilplass i Høydalsmo som har ein søknad inne hos kommunene fordi dei ønsker å ruste opp staden og auke aktiviteten. Om kommunen legg til rette for å etablere ein ny bubilparkering, vil dette vere i direkte konkurranse med campingen som alt er i Høydalsmo, nemleg Høydalsmo Bobilparkering, heiter det i saka til politikarane.  

Kvifor?