Utvidar Vårmarknaden med musikk og dans ein ekstra kveld

Saka om utvida skjenkeløyve kjem til politisk behandling i formannskapet i Seljord torsdag. 

Vårmarknaden har blitt arrangert sidan 1999. Arrangementet er eit samarbeid mellom Dyrsku’n Arrangement, Vest-Telemark motorhistoriske klubb og Eagle Car Club. Årets marknad er 30. og 31. mai, men innsjekken er frå 29. mai. 

– Besøkstalet har vakse godt dei seinare år, med mellom 7000 og 8000 besøkande i 2024, 180 utstillarar og meir enn 500 campingeiningar, skriv Yvonne Eilefstjønn, sal- og marknadsleiar i Dyrsku’n Arrangement i søknaden til kommunen.