Sceneteppet er drege att for skodespelaren frå Rauland

I 1983 melde Vest-Telemark blad om at skodespelaren Torgeir Fonnlid skulle gå på årane, eit karstykke som visstnok ingen i landet har gjort sidan Olav Tryggvason på 900-talet. Det kom fram då Martha Norheim intervjua han om rolla han skulle ha som viking i ein norsk-sovjetisk film. Av artikkelen går det fram at han var utdanna agronom og gymnastikklærar, og at han hadde arbeidd både som lastebilsjåfør og sjømann før han blei tilsett som skodespelar ved Det Norske Teatret i 1965. Fonnlid fortalde at fyrste rolla hans var ei danserolle i West Side Story.

Bygdemann i byen

Ti år seinare, i 1993, blei Fonnlid igjen portrettert av lokalavisa. Då blei det av journalist Mikkel Aanderaa slege fast at skodespelaren ikkje hadde blitt nokon kjendis.