Kommunen har nye rutinar for varsling av toppleiarane – skal ut av Vest-Telemark

I fjor fekk kontrollutvalet i Tokke kommune eit varsel og ei bekymringsmelding, begge anonyme, knytt til arbeidsmiljøet i kommunen. Kontrollutvalet skreiv då at begge «gjev uttrykk for bekymring med arbeidsmiljøet i Tokke kommune, og rettar særleg fokus mot kommunedirektøren sin leiarstil og handlingar.»

Saka var fyrste gong oppe i kontrollutvalet i oktober, og utvalet bad då om at kommunen etablerer rutinar for korleis folk kan varsle på øvste leiar i kommunen.

Sidan då har nye varslingsrutinar vore på sakskartet fleire gonger i ulike utval. I siste kommunestyremøte før sommaren, 18. juni, vart rutinane endeleg vedtatt.