Campingplassen er til sals. – Litt forskjellige grunnar til at me nå sel

Hanssen og sambuaren bur i Larvik, og det var slump som gjorde at dei for tre år sidan kjøpte den vesle campingplassen i Lårdal. Prisen den gong var 1,9 millionar kroner, men dei har gjort fleire investeringar sidan dei tok over. I sanitæranlegget er det tre nyoppussa bad med dusj og toalett, og tre av utleigehyttene er også pussa opp med bad og kjøkkenkrok.

Til VTB fortel Hanssen at det er fleire årsaker til at dei har lagt campingplassen ut for sal.

– Me har trivst i Lårdal, og hatt mange venner her. I utgangspunktet har me kjøpt for å bli, men det er litt forskjellige grunnar til at me nå sel, seier han.