Stor takk, ros og ære til Torfinn Sanden for den jobben han gjer som leiar og talsperson for det relativt nystarta lokallaget Naturvernforbundet i Vest-Telemark (NVVT).
Som naturvernar er det mykje å ta tak i i alle dei seks Vest-Telemark-kommunane, og Torfinn har påpeika saker som er i konflikt med natur- og miljøomsynet i dei fleste av kommunane.
Torfinn bur i Nissedal som er den kommunen han kjenner best. Det er derfor naturleg at han følger med argusauge kva som har skjedd og framleis skjer, spesielt politisk, i denne kommunen i høve til demokratiske spelereglar som gjeld saker der berekraftig arealbruk og naturforvaltning skal vera berebjelkar.
