Fjelloppsynsmann Sveinung Olsnes (t.v.) og Knut Nylend frå Statens naturoppsyn tok ein sjekkrunde til fjellreven på Hardangervidda i byrjinga av april. Mange av dei kjende og tradisjonelle gode fjellrevehia er gravne ut i sandmassar med lys og finkorna sand. Desse hia kan ha mange inngangar, mellom 20 til 60, der nokre blir bruka meir enn andre. Desse hia kan sjåast som markerte toppar som stikk opp frå resten at landskapet, med meir lysande grøn vegetasjon på grunn av gjødsel frå fjellreven, på stader som er tidleg frie for snø på våren.
