Noregs nye konge tek namnet Haakon VIII
(NPK-NTB): Haakon har valt å ta namnet kong Haakon VIII som ny konge i Noreg.
Kongen har i eit ekstraordinært statsråd på Slottet informert regjeringa om bortgangen til faren og dessutan kva kongsnamn og valspråk han vil velje.
Kong Harald døydde på Rikshospitalet klokka 6.35 fredag morgon.
Frå kong Haralds bortgang vart kjend til den nye kongen kunngjorde kongsnamnet sitt, har han vorte omtalt som Hans Majestet Kongen i det offentlege.
Noregs nye konge gjer som sine forgjengarar kong Haakon, kong Olav og kong Harald og tek valspråket «Alt for Noreg». Kong Haakon har i eit ekstraordinært statsråd på Slottet informert regjeringa om bortgangen til far sin, og dessutan kva kongsnamn og valspråk han har valt.– Eg vil ta namnet Haakon VIII og vil føre vidare det same valspråket som far min, bestefar og oldefar valde: «Alt for Noreg», sa kongen til regjeringa i statsråd.
(©NPK)
