NAV-kontoret vil truleg vere stengt i minst eitt år. – Eg føler ikkje at me kan gjere noko anna med dei hendingane som har vore

Bakteppet for stenginga er dystert, med to saker i Noreg dei seinare åra der NAV-tilsette har mista livet etter å ha blitt angripe av brukarar.

I Vinje var dei klar over at ein trong betre løysingar, men vart overraska då rapporten kom tidlegare i februar og kontoret måtte stenge på dagen. Det forklarte ordførar Jon Rikard Kleven då formannskapet hadde løyving til forprosjekt for den naudsynte ombygginga på bordet torsdag. No viser det seg at saka vil ta lang tid.

– Vinje er eit av dei kontora som må gjere ein del. Me treng å jobbe ut ein meir langsiktig variant, sa Kleven.