– Det du kan gjera inne kan du gjere ute, men du kan ikkje ta naturen inn

Til saman 19 barnehagar vert drifta i Vest-Telemark – éin i Fyresdal, tre i Seljord og Kviteseid, og fire i Nissedal, Vinje og Tokke.

Kor mykje dei er ute i den daglege drifta er ikkje lett å talfeste, men ein vanleg grunnstruktur er ei fast uteøkt på om lag 1,5 timar for den yngste gruppa på føremiddagen, og kring 2,5 timar for dei eldre barna på ettermiddagen. Mange melder også om at dei heile eller delar av året har alle barna ute både formiddag og ettermiddag. Ein sommarvikar på Dalen sette ord på kor mykje uteaktivitet dei har der sommarstid, fortel styrar Mona Båtnes.

– Ser graset er langt, men når skal eg eigentleg klippe, det er jo alltid ungar ute?