Anders Krog har vore på gamle tomter dei siste dagane i samband med at han har vore tilskodar under VM i Granåsen.
Svein Halvor Moe
Anders har gode minne frå VM-byen. – På toppen av alt fann eg den store kjærleiken
Anders Krog vart aldri like god og meritert som storebror Magnus, som har fleire internasjonale meisterskapsmedaljar. 31-åringen har likevel mange gode minne frå dei fem åra i Granåsen skiteam og Trondheim.
– Det dukkar opp mange gode minne når eg er her på VM. Eg hadde ei fantastisk tid på skigymnaset på Heimdal og i byen for øvrig. Eg hadde fine sportslege opplevingar og fekk vener for livet. Det er fem år eg ikkje ville ha vore forutan. På toppen av alt fann eg den store kjærleiken og ho som er kona mi i trønderhovudstaden, seier Anders og ler.
Det var kanskje det beste og mest verdifulle med Trøndelags-opphaldet når alt kjem til alt.
Han og Emilie er i dag godt etablerte i Høydalsmo. Dei har to barn som har dei trygge og gode rammene som Anders sjølv hadde i si tid. Pappaen i huset har på mange måtar landa draumejobben. Den tidlegare kombinertutøvaren er nemleg trenar på friskilinja på skigymnaset på Hovden. Det einaste minuset er at han må tilbringe ein time og eit kvarter i bil kvar veg for å kome seg dit. Det er ikkje eit tema å flytte sjølv om det er fint på Hovden.
5 veker - 5 kr
Deretter 189 per månad
Inga binding
KJØP
