Framtidas PPT i Vest-Telemark

Eit fleirtal i Vinje kommunestyre, beståande av SV, Bygdelista, INP/DNI og to «fritenkarar» frå SP, har vedtatt å etablere ei regional løysing for PPT, basert på ein såkalla vertskommune-modell med Vinje som vert. I dette ligg det ein open invitasjon til dei andre fem kommunane i Vest-Telemark om å slutte seg til.

Tokke og Fyresdal har alt gjort vedtak i den retning. Seljord, Kviteseid og Nissedal må eventuelt gjere nye vurderingar og nye vedtak. Forhåpentleg vil også dei kome til at omsynet til ungane/ungdomane tilseier ei samarbeidsløysing for å ha kapasitet og breidde i kompetanse som nokolunde svarar ut behov og problemstillingar.

Nåverande PPT sluttar å eksistere om eit halvt år. I god tid før det må ny løysing vere på plass og bemanna. Felles ansvar for kommunane!