Hotellet fyller 130 år – feirar med å utvide sesongen
For 130 år sidan, i 1894, opna Dalen hotell dørene. Det skal feirast med å utvide sesongen til 15. desember.
Det berømte hotellet på Dalen har tidlegare berre halde opent i sommarhalvåret, frå slutten av april til oktober. For fyrste gong kan gjestene i år besøke det gamle hotellet frå 25. april og heilt fram til 15. desember.
– Hotellet fortener å bli brukt også i haust- og vintersesongen, og me veit at fleire av gjestene våre drøymer om julestemning på Dalen hotell. Nå blir endeleg draumen til verkelegheit, seier direktør på Dalen hotell, Filip Åbom.
Artikkelen held fram under annonsen.
Ifølge hotelldirektøren er det mange som har venta på jul på Dalen hotell, og i år blir det både julebord og julesamankomstar frå midten av november.
– Det vil bli servert tilpassa menyar i Restaurant Bandak, juleinspirert Afternoon Tea i salongane våre, og moglegheitene er mange for fantastiske mat- og drikkeopplevingar, reklamerer Åbom.