Spela sin fyrste basketkamp
Vinje Goats reiste til Tønsberg for basketdebuten.
Sundag 24. september hadde basketlaget Vinje Goats sin fyrste kamp. Dei møtte TNT Towers i Eik idrettshall i Tønsberg.
– Det er eit rekrutteringslag til elitelaget, og dei trenar fem gonger i veka. Dei var kjempegode. Geitebukkane beit frå seg mot dette laget, oppsummerer lagleiar Jon Rikard Kleven.
Artikkelen held fram under annonsen.
Teo Tennant var kaptein i Vinje Goats sin fyrste kamp, og leia troppen gjennom kampen. Det fyrste målet nokon sinne blei ein 2-poengar frå Dovydas Trapikas. Resultatet blei siger til heimelaget med poengresultat 71-25.
