Slik gjekk det i Norway cup
Nå er Norway Cup-eventyret over for vesttelane.
Publisert
Sist oppdatert
Men for ei turnering det var sett med augo frå Vest-Telemark.
Kviteseid G15/16 kom heilt til kvartfinalen i A-sluttspelet (7ar-fotball. Dei var best i gruppa med Baune, tyske Helios Daglfing og Ballstad. I den fyrste sluttspelkampen slo dei Bækkelaget, deretter blei Falkeid slått i 8-delfinalen onsdag. Torsdag var det slutt; Seleccion Elite frå Mexico blei for sterke og vann 4-1 på Abildsø.
Den andre gutelaget frå Kviteseid (13/14) kom seg også vidare til A-sluttspelet. Dei blei nummer to i gruppa på betre målskilnad enn Djerv 1919 og Minde. Kviteseidingane blei sett opp mot Blindheim i fyrste sluttspelkamp. Det blei tap 0-4.
J16-laget til Kviteseid måtte reise heim utan poeng, men med unntak av 0-7 i opningskampen var det jamnspelte kampar. Laget rauk ut i fyrste kamp i B-sluttspelet. Det blei 1-2 mot Haugsbygd Tyristubben.
Annonse
Treungen
Treungen hadde både gutelag og jentelag på Norway Cup. J16-laget blei nummer to i gruppespelet og kvalifiserte seg med det til A-sluttspelet. Her blei det exit i fyrste kampen mot Sædalen/Fana (0-4).
Gutelaget (15/16) gjekk til B-sluttspelet etter eitt poeng i gruppespelet. Her vann dei fyrste sluttspelkamp mot Kjelsås (på straffesparkkonkurranse), men det blei heimreise etter å ha tapt kvartfinalen mot Junkeren 0-9.
Åmdal/Tokke
Åmdal/Tokke hadde både G13/14 og J13/14 til Oslo. Gutane imponerte stort i gruppespelet; dei vann alle kampane og hadde 17-6 i målforskjell etter tre kampar. Blindheim blei slått i fyrste sluttspelkamp i A-sluttspelet, men gutane frå Tokke hadde lite å stille opp mot då Minerva Academy frå India stod på motsett halvdel i 8-delfinalen. Resultatet blei 0-17.
Også jentene gjekk til A-sluttspelet med to sigrar og ein uavgjort i gruppespelet. Det blei heimreise etter fyrste sluttspelkamp. Manglerud Star vann 2-0 i 16-delfinalen på Ekebergsletta.
