Elevane ved Kyrkjebygda oppvekstsenter selde suppe, sveler og ulike produkt dei hadde laga.

Inviterte heile bygda på kafé

Det var kjøttsuppe, sveler, basar, bruktbutikk og heimelaga varer då Kyrkjebygda oppvekstsenter inviterte til TV-aksjonskafé.

Elin Fjalestad Journalist
Publisert

I mange år har elevane ved Kyrkjebygda oppvekstsenter arrangert TV-aksjonskafé for å samle inn pengar til den årlege TV-aksjonen.

Ung person held ein sleiv over ei stor gryte med mat ved eit bord.
Eira Hellum Parry-Jones serverer suppe. Grønnsakene i suppa kjem frå fleire ulike kjøkkenhagar i Nissedal.

I barnehagen, på SFO og på skulen hadde dei laga ulike varer som blei selde.

Det var fleire som ville bidra til innsamlinga. Næringslivet i Nissedal hadde gitt gevinstar til basar. Bygdekvinnelaget, helselaget og bondelaget bidrog til  arrangementet, og frå lokale kjøkkenhagar hadde dei fått gulrøter, kålrot, purre og andre grønsaker til årets suppe. 

Tre barn står bak eit bord med fargerike, kjegleforma handarbeid.
Auver Løvlie Evja, Gustav Tveitane Holskar og Kristian Hellum Parry-Jones sel støpte stearinlys.
Kvinne og to born står bak eit bord med innpakka varer.
Maren Torgrimsen Volline, Hannah Jørgine Løvlie Evja og Timian Vaa sel konglar med stearin.

Sammen for menneske på flukt

Elevane sa sjølv litt om kva TV-aksjonen er, og kva dei innsamla pengane skal bli bruka til dette året:

– TV-aksjonen er ein innsamlingsaksjon som har blitt arrangert i Noreg kvart år sidan 1974.

I 2026 går pengane som blir samla inn, til NRC, Flyktninghjelpen.

– Pengane skal bli bruka til å hjelpe menneske som er på flukt, slik at dei kan få ein trygg stad å bu, fortalde elevane.

Pengane frå årets TV-aksjon går til Syria, Gaza, Sudan, Tsjad, Afghanistan og Den demokratiske republikken Kongo.

Ungane fortalde at fleire millionar menneske er drivne på flukt frå heimane sine. Mange av dei er born.

– Det er faktisk slik at kvart andre sekund blir eit menneske i verda drive på flukt frå heimen sin, opplyste elevane.

Ung kvinne steikjer pannekaker medan barn og vaksne ser på.
Thea Iselin Fjone Madsen og Tallak Volline steiker sveler. Bak står lærar Therese Eilefsen og rektor Tone Straand.
– Me har laga både blåbær- og ripssaft, fortalde Hedda Anderssen.

Fekk skryt

Tove Ytterbø, fylkesaksjonsleiar for TV-aksjonen i Vestfold og Telemark, hadde også tatt turen til Kyrkjebygda denne dagen. Ho var imponert over innsatsen til elevane.

– Eg skryter av dykk kvart einaste år, sa ho.

Kvinne i svart T-skjorte står i eit rom medan andre sit ved bord.
Tove Ytterbø er fylkesaksjonsleiar for TV-aksjonen i Vestfold og Telemark.

Ytterbø trekte særleg fram korleis heile bygda stiller opp om TV-aksjonen i Nissedal, og meinte det passa særleg bra i år sidan mottoet er «Saman for menneske på flukt».

– De er eit kroneksempel på det, sa ho og takka for innsatsen.

I løpet av kvelden hadde det kome inn 34 000 kroner. Dermed slo dei fjorårsrekorden. Pengane sender elevane ved Kyrkjebygda oppvekstsenter til TV-aksjonen, så går dei vidare til Flyktningehjelpa for å hjelpe menneske på flukt. 

Barn står ved eit salsbord med heimelaga mat og drikke innandørs.
Auver Løvli Evja og kristian Hellum Parry-Jones sel ulike varer til inntekt for TV-aksjonen.
Ung person ved eit bord med skåler fulle av små, fargerike gjenstandar.
Fuglemat i gamle koppar.
nyhende kyrkjebygda oppvekstsenter innsamling tv-aksjonen nissedal
Powered by Labrador CMS