Har ikkje lukkast med å finne vikarar sjølve – ber om 3,2 millionar til vikarbyrå

I saka, som formannskapet får på bordet torsdag, skriv sakshandsamar, kommunalsjef for helse og omsorg Beate Våge Lia, om utfordringane knytt til å sikre nok vikarar.

– Frå november 2022 lykkast det å rekruttere ein legevikar på fastløn, og planen var at vikaren skulle dekke ein legeheimel fram til hausten 2023. Legevikaren fekk på nyåret tildelt LIS1 teneste ein annan stad i landet, og valde å avslutte i vikariatet i februar, opplyser kommunalsjefen.

– Frå mars 2023 fekk kommunen på plass ein ny legevikar med fastløn. Etter kort tid i tenesta valde legevikaren å avslutte kontrakt på grunn av tilbod om annan jobb på Sykehuset Telemark, held Våge Lia fram.