– Det har vore eit privilegium å vera ordførar i Seljord

For fire år sidan fekk Seljord Senterparti – med 43,9 prosent – den største oppslutninga eit parti i Seljord har fått i nyare tid. Men valmåndagen i Seljord blei blå. Høgre og Framstegspartiet fekk samla meir enn halvparten av røystene i kommunen. I tillegg fekk opposisjonsvenene i Arbeidarpartiet meir enn 20 prosent. Samla ligg desse tre an til å få 13 av 17 representantar i kommunestyret komande periode.

Resultatet parkerer Senterpartiet på sidelina dei fire neste åra. Seljord-ordførar Beate Marie Dahl Eide (Sp) seier partiet var førebudde på tilbakegang etter eit «godt val» i 2015 (27,1 %) og eit «brakval» i 2019 (43,9 %). 17,3 % er rett nok betre enn resultata i både 2003, 2007 og 2011, men det er eit skuffande resultat.

– Me har vent oss til høge tal, seier Dahl Eide.