Sogevandring i Seljord

Seljord sogelag, Frivilligsentralen og Landstadinstituttet skipar torsdag til sogevandring til Dyrskuplassen der dei arkeologiske utgravingane går føre seg. Det blir synfaring og orientering på utgravingsfeltet. Det er verdt å minne om dei om lag 100 gravhaugane som tidlegare er utgravne kring Dyrskuplassen med fleire registrerte oldfunn. Det skal òg ha vori nokre namngjevne gardar, som nå er borte: Silakerbø, Skjellag, Brenne og Gvarva.

Ein kan møte fram ved Frivilligsentralen for å ordne reisemåten derifrå. Det er tenleg med bra fottøy og varme klede. Dei som har hug og høve kan avslutte med mat og kaffi på Frivilligsentralen, etter ei lærerik sogevandring på Dyrskuplassen.