annonse

Godt oppmøte på Rallardagen

Fest og moro
Fest og moro: Det var ikkje berre slit og strev for gruvearbeidarane. I spelet fekk me sjå at dei visste korleis dei skulle more seg også. Håkon Lie (f.v.), Anne Margit Urbø, Knut Andre Aarstad, Kurt Wrålid og Karianne Lie. (Foto: )

Då den 37. Rallardagen gjekk av stabelen på laurdag var det fleire som tok turen til Gruveparken på Åmdals verk enn på mange år.

Kari Smeland

Åmdals verk

– Eg trur det må vere mellom 250 og 300 menneske her. Særleg moro er det å sjå at det er så mange unge som kjem. Eg trur Rallardagen betyr mykje for dei som bur her, og for dei som har røtene sine her. Mange tek turen for å møte gamle kjente, fortel leiar i lokalstyre for gruvene på Åmdals verk, Unni Bendiksen.

Ho fortel at det ikkje er noko problem å få folk til å stille opp på dugnad for å skipe til Rallardagen.

Minne

Dagens rallarspel var «Minne», og for mange passa nok repertoaret til «Forutta boots» då ypparleg. Dei underheldt med kjente låtar før publikum fekk både trimma magemusklar og høyre om det harde livet til gruvearbeidarane.

Den eldre Halvor fortalde om bakgrunnen sin frå Finnskogen. Han hadde mista både den nyfødde sonen og kona rett etter fødselen og seinare vore utsett for ei arbeidsulykke. Men heldigvis var det tid til fest, romantikk, slagsmål og dans også for gruvearbeidarane. Særleg fekk publikum trimma magemusklane då Bendik i VTB-bladfyk Stein Olav Lie sin rollefigur viste seg å vere litt grådig på flaska og sovna under eit tre så snorkinga ljoma utover heile Gruveparken. Kona var ikkje heilt framand for situasjonen og bukserte han opp i ei trillebår. Den velta sjølvsagt og Bendik låg så lang han var i graset. Då dei kom seg av garde, meinte kona Bendik hadde gått dobbelt så langt slik som han sjangla.

1kari.s@vtb.no






Klikk for å sjå kommentarar ()

Her kan du fritt komme med synspunkt og informasjon. Me krev fullt namn. Då blir det meir interessant for andre å lese det du skriv. Trakassering, truslar, hatske meldingar eller reklame aksepterasr ikkje på vtb. Falske profilar blir utestengt. Ver sakleg og vis respekt når du kommenterar.