Foto: Hans Inge Hagen

Sølvjentene blei hylla då dei kom heim – sjå bilda frå heimkomsten

Mange hadde møtt fram då Seljords sølvjenter kom heim fredag kveld.

Eit Seljord-lag i Norway cup-finale er ikkje vanleg – for å seie det mildt. Det blei skrive fotballhistorie på Ekebergsletta fredag. Seljord J15/16 spela finale i B-sluttspelet mot Ranheim. Trønderane blei rett nok for sterke i finalen, men fredagskvelden blei seljordjentene tatt imot som heltinner for den fantastiske innsatsen i verdas største fotballturnering.

Laget fekk ein tøff start på Norway cup-eventyret med tre strake tap i gruppespelet. Men i B-sluttspelet viste dei seg frå ei anna side, og vann alt fram til finalen der det altså blei tap mot Ranheim.

Fredag kveld kom dei heim til Seljord. Her blei dei tatt imot på Eventyrøy av mange venner, familie og supportarar.