Elisabeth (32) er noregsmeister i poker. – Eg svevar på ei sky

– Eg fattar det ikkje!

Elisabeth Nordskog svevar framleis på ei sky når VTB får tak i henne onsdag ettermiddag. Då har det gått snaue to døgn sidan ho i leilegheita heime i Trondheim kunne juble høgt – heilt aleine – etter å ha vunne Ladies Event i Online Poker North Masters 2025.

Men det blei ein dramatisk start på finaledagen av NM-turneringa. Dei 131 som var med då dei fyrste hendene blei dela sundag var blitt monalege færre til den andre dagen. Nordskog kom heim frå jobb i 16-tida og hadde nokre timar å slå i hel før turneringsstart klokka 20. For å få tida til å gå tok ho seg ein powernap.