Trivst på vatnet: Det skadar ikkje at det er eitt eller fleire fiskevatn i nærleiken av heimen i Kostveit.
Privat
Det er dette som er ein perfekt sommardag for Runar
Runar Skaug Mathisen nyt sommaren – sjølv om Marcialonga-vinnaren, i motsetning til dei fleste andre, ikkje kan ta ferie. 31-åringen må sjølv på solfylte sommardagar leggje ned mange treningstimar.
– Eg ser ikkje på det som noko problem. For eg er glad i å trene, og det må du vere for å ha dette som levebrød. Det blir som oftast to daglege treningsøkter. Lengda på dei varierer, men den første er som regel den lengste. Med tanke på at me konkurrerer mykje lengre enn vanlege langrennsløparar, så speglar treninga også det. Stakeøkter på fire–fem timar er ikkje uvanleg når eg førebur meg til ein ny sesong.
– Kva er ein perfekt sommardag for ein av verdas beste i langløpssirkuset?
– Det er kanskje å stikke ut på ein fem timar lang treningstur klokka ni om morgonen. For så å gå på rulleski om Dalen, Høydalsmo og Rauland før eg er heime. Då ventar ein lunsj som pappa Lasse har laga til. Han er nok den beste i huset når det gjeld mat. Både han og mamma steller godt med meg når eg er på heimelege trakter, seier Runar til Vest-Telemark blad.
5 veker - 5 kr
Deretter 189 per månad
Inga binding
KJØP
