Vil fjerne tilskott til hogst. Ynskjer heller å stimulere ein annan del av skogsdrifta

Bakgrunnen for innføringa av tilskott til dei som hogg skog for hand med motorsag var mellom anna låge tømmerprisar. Satsen har vore 100 kroner per kubikkmeter for sagtømmer og massevirke, og 50 kroner per kubikk for så kalla energivirke. I fjor blei det utbetala 32 200 kroner i kommunalt tilskott til motormanuell hogst i Vinje.

Nå er tømmerprisane dobla samanlikna med då tilskottet vart innført, og skogbruksrådgjevar i Vinje Per Wraa meiner ein derfor heller burde bruke pengane på å stimulere ein annan del av skogsdrifta – ungskogpleie.

Det finst frå før eit statleg tilskott til dette, men likevel er aktiviteten låg og etterslepet stort, og erfaringa frå andre kommunar som har innført kommunalt tilskott til ungskogpleie er at aktiviteten aukar.