Ulykke på E134: Bubil mot personbil

Oppdatert 17.13: Politiet melder at det har vore front mot front-kollisjon mellom to utanlandsk registrerte køyretøy. Politiet har ikkje detaljar om kven som kom over i motgåande køyrefelt. Det er svært store materielle skadar. Totalt seks personar var involverte i ulykka måndag ettermiddag. 

Ulykka skal ha skjedd på E134 Brunkebergvegen ved Vigdesjå, mellom Seljord og Brunkeberg. 

Oppdatert: 15.08: Politiet er ikkje på staden enno. Ambulansen melder at dei har tilkalla luftambulanse. Den kjem om 30 minuttar. 

15.13: Brann og helse på staden. Dei skadde blir køyrd mot Seljord og møter luftambulansen der. Eit køyrefelt er opna. 

16.02: Politiet melder at vegen blir heilt stengt ein periode medan bilberging blir gjennomført.

– Eit barn på 10 år blir flogen til Ullevål sjukehus. Dei andre involverte blir køyrd Sjukehuset Telemark i Skien. Ikkje livstrugande etter det me får vite, melder operasjonsleiar ved politiet i Sør-Aust, Ottar Steinstø, klokka 16.08 måndag ettermiddag. 

16.18: Politiet melder at campingbilen er så skada at dei ikke får han opp. Den blir liggande ei stund. Eitt køyrefelt blir opna.