To nye er smitta i Vinje

Totalt er fire personar i to ulike husstandar i Vinje kommune stadfesta smitta av Covid-19.

Det melder ordførar Jon Rikard Kleven på Facebook.

– To nye personar blei stadfesta smitta i går. Tilfella heng saman med dei som alt var smitta. Dei to smitta personane er nærkontaktar av dei to som alt var smitta, melder ordføraren onsdag.

Dei to nye smittetilfella bur i same husstand. Dermed er det to ulike husstandar som er smitta.

– Dei er isolerte og blir fylgd opp av helsetenesta i Vinje. Smittesporing er avslutta, melder Kleven.