Måndag var ein tung dag for dei tilsette ved Eik-senteret. – Me tek vare på dei tilsette så godt me kan

Dagleg leiar ved Eik-senteret i Seljord Agnar Andersen stadfester at den omkomne i ulykka fredag kveld var tilsett der.

Måndag var ein tung dag for dei tilsette ved Eik-senteret på Århusmoen industriområde. Ein av kollegaene deira mista livet i den tragiske ulykka på området fredag kveld.

– Me tek vare på dei tilsette så godt me kan. Me pratar med kvarandre og forsøker å vera medmenneske. Me passar også på at alle kjem seg på jobb, seier Andersen.

Han fortel også at verksemda sundag fekk hjelp frå det kommunale kriseteamet.

Eik-senteret i Seljord har ifylgje dagleg leiar i alt ni tilsette.

Frå morgonen av måndag heldt dei stengt fram til tolv.

– Då opnar me som vanleg, informerer han.