På programmet var genar, makt og mat: – Det handlar om kva slags mat me vil produsere og kven som skal ha makt over maten

Aina Bartmann er leiar for GMO-nettverket. I helga besøkte ho Lien fjellgard i Svartdal der Telemark bonde- og småbrukarlag hadde årsmøte. Ho heldt foredraget med tittelen «Gener, makt og mat!»

GMO er ei forkorting for genmodifisert organisme, og med dette meinast ei plante, eit dyr eller ein mikroorganisme som har fått arvestoffet sitt endra ved hjelp av genteknologi. Målet til GMO-nettverket er å sikre valfridom og ha ein føre-var basert regulering av genmodifiserte organismar. Atten organisasjonar er med i nettverket, og ytterlegare to har nyleg søkt om å bli medlem.

Bartmann fortel at sjølve teknologien med genmodifisering har utvikla seg raskt, og at det derfor kan vere komplisert å skaffe seg oversikt over alle dei nye metodane.